Yanvarın 17-də Moskvada iki ölkə prezidentlərinin danışıqları zamanı Rusiya və İran arasında Hərtərəfli Strateji Tərəfdaşlıq Sazişi imzalanacaq. Bu barədə İslam Respublikasının Rusiya Federasiyasındakı səfiri Kazem Cəlali məlumat verib.
“İran və Rusiyanın iki ölkə arasında Hərtərəfli Əməkdaşlıq Müqaviləsi imzalamağa hazır olmasından danışan Kazım Cəlali İslam Respublikasının prezidenti Məsud Pezeşkianın yanvarın 17-də Moskvaya səfəri barədə məlumat verib və bildirib ki, iki ölkə arasında əməkdaşlıq sazişi Pezeşkian və Rusiya lideri Vladimir Putin tərəfindən imzalanacaq”, - İranın Moskvadakı səfirliyinin bəyanatında deyilir.
Dekabrın 23-də İslam Respublikasının Xarici İşlər Nazirliyi bəyan edib ki, İran prezidentinin səfəri 2025-ci il yanvarın 19-dan əvvəl baş tuta bilər.
Hərtərəfli Strateji Tərəfdaşlıq Sazişinin Rusiya Federasiyası ilə İran arasında əlaqələrin inkişafında əsas mərhələyə çevrilməsi nəzərdə tutulur. İki ölkə rəsmilərinin sözlərinə görə, saziş ikitərəfli əməkdaşlığın bütün sahələrini əhatə edir və Rusiya-İran qarşılıqlı fəaliyyətinin müxtəlif sahələrində, o cümlədən müdafiə, enerji, nəqliyyat, sənaye, kənd təsərrüfatı, mədəniyyət, elm və texnologiya sahələrində yeni üfüqlər açacaq.
Oxuməni.az
