"Napoli"nin hücumçusu Xviça Kvaratsxeliya karyerasını PSJ-də davam etdirə bilər.
90deqiqe.Az xəbər verir ki, bu barədə jurnalist Fabrizio Romano "X" sosial şəbəkəsində (keçmiş Twitter) yazıb.
O Paris klubunun gürcü futbolçunun mümkün transferlə bağlı Neapol təmsilçisi ilə birbaşa əlaqə saxladığını və qarşı tərəfə müdafiəçi Milan Skrinya üzərində pul təzminatı təklif etdiyini qeyd edib.
23 yaşlı futbolçunun "Napoli" ilə müqaviləsi 2027-ci ilin yayına kimi nəzərdə tutulub. Transfermarkt onun dəyərini 85 milyon avro qiymətləndirir. Bu mövsüm Xviça bütün turnirlərdə 19 oyuna çıxıb, beş qol vurub və komanda yoldaşlarına üç məhsuldar ötürmə edib.
