Misli Premyer Liqasının 19-cu turun oyunları davam edir.
Fanat.Az xəbər verir ki, dünən start götürən tur çərçivəsində bu gün daha iki görüş keçiriləcək.
Əvvəlcə “Zirə” öz meydanında “Araz-Naxçıvan”ı qəbul edəcək. Rəşad Sadıqovun komandası turun mərkəzi qarşılaşmasında qalib gəlsə, turnir cədvəlində azı bir günlük 3-cü pilləyə yüksələcək.
Komandaların bu mövsümkü duellerində “Araz-Naxçıvan”ın üstünlüyü var. Öz meydanında “Zirə” ilə heç-heçə (1:1) edən Elmar Baxşıyevin komandası səfərdə 1:0 hesabı ilə qalib gəlib.
Günün ikinci oyununda “Sumqayıt” öz meydanında “Səbail”i qəbul edəcək. Vaqif Cavadovun komandası ilk "5-lik"dən aralanmamağa can atırsa, Cavid Hüseynovun baş məşqçisi olduğu "Səbail" sonuncu pillədən qurtulmağa çalışır.
Qeyd edək ki, ötən gün turun açılış oyununda “Qarabağ” “Şamaxı”ya 3:2 hesabı ilə qalib gəlib. Turun son oyunları (“Kəpəz” – “Turan Tovuz” və “Neftçi” – “Sabah”) sabah baş tutacaq.
Misli Premyer Liqası
19-cu tur
18 yanvar
16:00. “Zirə” - “Araz-Naxçıvan”
Hakimlər: Əliyar Ağayev, Zeynal Zeynalov, Akif Əmirəli, Rəşad Əhmədov
VAR: Cavid Cəlilov, Şirmamed Mamedov
Hakim-inspektor: Anar Salmanov
Zirə İdman Kompleksinin stadionu
18:30. “Sumqayıt” - “Səbail”
Hakimlər: İnqilab Məmmədov, Namik Hüseynov, Rahil Ramazanov, Kamran Əliyev
VAR: Rauf Allahverdiyev, Teymur Teymurov
Hakim-inspektor: Ramil Diniyev
Mehdi Hüseynzadə adına Sumqayıt şəhər stadionu
