Sumqayıt şəhərində baş verən ağır yol qəzasında iki nəfər yaralanıb.
"Report"un yerli bürosu məlumat verir ki, hadisə şəhərin Çerkassi küçəsində qeydə alınıb.
Belə ki, “Mercedes” markalı nəqliyyat vasitəsi məişət tullantıları daşıyan maşına çırpılıb.
Qəza nəticəsində 1992-ci il təvəllüdlü Eşqin Dostuyev İlham oğlu və 1984-cü il təvəllüdlü Fərzəliyev Mais Cəmil oğlu xəsarət alıb.
Onlar dərhal Sumqayıt şəhər Təcili Yardım Xəstəxanasına çatdırılıb.
Faktla bağlı araşdırma aparılır.
Telegram kanalımız
