Qar voleybolu üzrə ilk Azərbaycan çempionatı yekunlaşıb.
İdman.biz xəbər verir ki, Şahdağ Turizm Mərkəzində təşkil olunan yarışın ikinci günündə keçirilən qarşılaşmalarda qalib və mükafatçılar bəlli olub.
Qadınların yarışında üçüncülük uğrunda “Gəncə” klubu U-21 komandasını 2:0 hesabı ilə məğlub edərək bürünc medal qazanıb.
Final görüşü isə “Azərreyl” və “Murov Az Terminal” komandaları arasında olub. Həlledici matçda 2:0 hesabı ilə qalib gələn “Azərreyl” ilk Azərbaycan çempionu adını qazanıb.
Kişilərin mübarizəsində isə bürünc medalı “Gənclər” komandasını 2:0 hesabı ilə məğlub edən U-21 kollektivi qazanıb.
Finalda isə “Azərreyl” və “Murov Az Terminal” komandaları qarşılaşıblar. Rəqibinə 2:0 hesabı ilə qalib gələn “Azərreyl” Azərbaycan çempionatının qalibi olub.
Final oyunlarından sonra qalib komandaların mükafatlandırma mərasimi keçirilib. Qalib komandalara kubok və medallar təqdim olunub.
26 yanvar
Qadınlar
3-cü yer
“Gəncə” - U-21 2:0 (15:9, 15:11)
Final
“Azərreyl” - “Murov Az Terminal” 2:0 (15:10, 15:8)
Kişilər
3-cü yer
U-21 - “Gənclər” 2:0 (15:5, 15:9)
Final
“Azərreyl” - “Murov Az Terminal” 2:0 (15:8, 15:12)
Qadınlar
I yer - “Azərreyl”
II yer - “Murov Az Terminal”
III yer - “Gəncə”
Kişilər
I yer - “Azərreyl”
II yer - “Murov Az Terminal”
III yer - U-21
İdman.biz
