1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Pakistanda yanacaqdaşıyan maşın partlayıb. Hadisə nəticəsində azı altı nəfər həlak olub, 30-dan çox yaralı var.
Oxu.Az-ın məlumatına görə, bu barədə "Geo TV" telekanalı xilasetmə xidmətlərinə istinadən məlumat yayıb.
Bildirilir ki, hadisə bu gün səhər Pəncab əyalətinin Multan şəhərində baş verib. Səbəb şəhərin sənaye rayonlarından birində park edilmiş avtosisternin klapanından qaz sızması olub. Partlayış güclü yanğına səbəb olub və nəqliyyat vasitəsinin qırıntıları yaxınlıqdakı yaşayış binalarına düşərək əhəmiyyətli dağıntılar törədib. Yanğın 10 yanğınsöndürən briqadanın iştirakı ilə bir neçə saatlıq işdən sonra söndürülüb.
Yaralılardan 13-nün vəziyyəti ağırdır. Partlayış yerinin ətrafında ən azı 20 ev tamamilə dağılıb, daha 70-i qismən zədələnib.
