İran çempionatının 17-ci turunda keçirilən "Persepolis" - "Traktor" matçında (2:0) insident baş verib.
Publika.az xəbər verir ki, iki komandanın azarkeşləri arasından toqquşma yaşanıb. Buna səbəb ev sahibi fanatların Təbrizdən gələn azarkeşlərin ünvanına xoşagəlməz ifadələr səsləndirməsi olub.
Münaqişə nəticəsində 32 nəfər yaralanıb. Onlardan üçünün vəziyyəti yaxşı olmadığından xəstəxanaya aparılıblar.
Qeyd edək ki, məğlubiyyət nəticəsində "Traktor" liderliyi itirib. Təbriz təmsilçisi 35 xalla ikinci sırada qərarlaşıb.
