Türkiyə Super Liqa təmsilçisi "Fənərbaxça"nın yeni transferi Anderson Talişka artıq İstanbuldadır.
Apasport.az xəbər verir ki, bu barədə klubun mətbuat xidməti məlumat yayıb.
Braziliyalı ulduz tibbi müayinədən keçmək üçün Türkiyəyə gəlib.
Bir problem olmayacağı təqdirdə Anderson özünü 2026-cı ilə qədər "fənər"li edəcək rəsmi müqaviləyə qol çəkəcək.
Qeyd edək ki, "Fənərbaxça" qış transfer pəncərəsində Talişkaya qədər Dieqo Karlos və Milan Şkriniarı heyətinə qatıb.
