"Qarabağ"ın veteran futbolçusu Emin İmaməliyev Sportal.az saytına açıqlama verib.
O, Ağdam klubunun Avropa Liqasının sonuncu turunun "Olimpiakos"a qarşı keçirəcəyi görüşü haqda fikirlərini söyləyib:
"Qarabağ" bu mövsüm yaxşı oyunlar sərgilədi, avrokuboklarda udulası oyunlar çox idi. FKSB-ni də məğlub etməliydilər, şanssızlıq yaşadılar. Musa Qurbanlı və Nəriman Axundzadənin qol duyumu daha yaxşıdır. Musa son matçda da qol vurdu. Oyundan-oyuna hər ikisi “Qarabağ”a daha çox kömək edəcək, Juninyonun yerini dolduracaqlar. "Olimpiakos" daha təcrübəlidir. Ağır oyun olacaq. Onsuz da, heç bir oyun "Qarabağ" üçün asan keçməyib. Son oyun olduğuna görə, inanıram ki, komandamız səfərdə layiqli nəticə qazanacaq. Onlara uğurlar arzulayıram.
"Olimpiakos" Avropa Liqasında 7-8 güclü komandadan biridir. Yunanıstan futbolu hazırda yüksəlişdədir. “Olimpiakos” da daim çempionluğa oynayan, avrokuboklarda öz sözünü deyən komandadır. İnanıram ki, "Qarabağ" qalib gələrək, sonluğu yaxşı gətirəcək".
saytlarin hazirlanmasi
