"Neftçi" - "Sabah" oyununun biletləri satışda

“Neftçi” və “Sabah" arasında keçiriləcək ölkə kubokunun yarımfinal mərhələsinin ilk matçının biletləri bu gün satışa çıxarılıb.

"Football-plus.az" xəbər verir ki, biletlərin qiyməti sektorlardan asılı olaraq 2, 3, 5, 15 və 20 manatdı.

Biletlər "iticket.az" saytı və qarşılaşmanın keçiriləcəyi “Neftçi Arena”nın kassalarında satılacaq. "Neftçi" - "Sabah" görüşü aprelin 2-də, saat 19.30-da başlayacaq.

Yarımfinal mərhələsinin digər cütünü "Qarabağ"la "Araz-Naxçıvan" formalaşdırıb. Bu komandalar arasında ilk oyun aprelin 2-də, saat 17.00-da "Liv Bona Dea Arena"da baş tutacaq.

Qeyd edək ki, cavab qarşılaşmaları aprelin 23-də keçiriləcək.