"Lokomotiv" (Moskva) və Ukrayna millisinin keçmiş futbolçusu Aleksandr Əliyev Kiyevdə saxlanılıb.
Sportinfo.az xəbər verir ki, buna səbəb onun sərxoş vəziyyətdə avtomobili idarə etməsi olub.
Sərnişin oturacağında olan qadının isə polis maşınının kapotuna çıxdığı qeyd edilir.
Azərbaycan kökənli sabiq yarımmüdafiəçi instaqram səhifəsində ayıq olmaması ilə bağlı məlumatları təkzib edib.
Adı daim qalmaqallarda hallanan Aleksandr Əliyev 2019-cu ildə həyat yoldaşı Tatyananı döydüyü üçün cinayət məsuliyyətinə cəlb edilmişdi.
