Naftalan ŞİH-nin başçısı Vüqar Novruzov, şəhər polis şöbəsinin rəisi Zaur Bədəlov və şəhər Ağsaqqallar Şurasının sədri Möhübbət Bədəlov Vətən müharibəsində şəhidlik zirvəsinə ucalan Naftalan şəhərinin Qaşaltı Qaraqoyunlu kəndindən olan Elyəddin Cəfərovun ailəsini Dünya Azərbaycanlılarının Həmrəyliyi Günü və Yeni İl bayramı münasibəti ilə ziyarət ediblər.
Şəhər rəhbəri bildirib ki, dövlət səviyyəsində şəhid və qazi ailələrinə göstərilən diqqət və qayğı, möhtərəm Prezidentimiz cənab İlham Əliyevin hər bir şəhid ailəsinə, qazilərə göstərdiyi diqqət bizə bir nümunədir.
Möhtərəm Prezident İlham Əliyevin müvafiq Sərəncamlarına əsasən Cəfərov Elyəddin Zöhrab oğlu (ölümündən sonra) "Cəsur döyüşçü", “Vətən Uğrunda”, "Suqovuşanın azad olunmasına görə" medalları ilə təltif olunub.
