Afrika dövlətləri Saheldə terrorla mübarizəyə görə Fransaya təşəkkür etməyi unudublar...
Poliqon xəbər verir ki, bu barədə Respublika Prezidenti Emmanuel Makron Yelisey sarayının X sosial səhifəsində məlumat verib.
O, Parisin terrorla mübarizədə Afrika ölkələri qarşısında öhdəliklərinin olduğunu və buna görə də Saheldə silahlılara qarşı haqlı əməliyyatlar apardığını qeyd edib.
Makron vurğulayıb ki, Fransa qoşunları oraya yerləşdirilməsəydi, bölgədəki Afrika prezidentlərindən heç biri indi suveren ölkəni idarə etməyəcəkdi. Onlar qanuni dövlət başçılarının tələbi ilə Saheldə olublar və orada baş verən bir sıra hərbi çevrilişlərdən sonra bölgəni tərk ediblər, çünki fransız əsgərləri yerli iğtişaşçıların köməkçi qüvvəsi deyil.
Fransa prezidenti Afrika liderlərinin Parisə təşəkkür etməyi unutduqlarını deyib. Eyni zamanda, minnətdarlığın sonradan bildiriləcəyinə əminliyini ifadə edib.
Dekabrın 23-də Sahel Dövlətləri Alyansı (ASS) konfederasiyasına daxil olan Burkina Faso, Mali və Niger liderləri Fransanın hərəkətləri səbəbindən ordularını maksimum döyüş hazırlığına gətirmək qərarına gəliblər.
Poliqon.info
