Getty Images Holdings və Shutterstock, aparıcı vizual məzmun şirkəti yaratmaq məqsədilə birləşmə müqaviləsi bağladıqlarını açıqlayıblar.
Marja.az xəbər verir ki, təxminən 3,7 milyard dollarlıq dəyərə malik birləşmiş şirkət "Getty Images Holdings" adlanacaq və Nyu-York Fond Birjasında "GETY" simvolu altında ticarətini davam etdirəcək.
Getty Images-in baş direktoru Kreyq Peters deyib: “Bu birləşmə şirkətlərimiz üçün vacibdir, çünki biz maliyyə bazamızı gücləndiririk və gələcəyə sərmayə yatırırıq, o cümlədən məzmun təkliflərimizi genişləndiririk və müştərilərimizə daha yaxşı xidmət göstərmək üçün yeni texnologiyalar tətbiq edirik. Bu, çoxlu imkanlar açır" deyib.
