Bakıda tanışını öldürməkdə təqsirləndirilən Əliəkbər Səmədlinin cinayət işi üzrə ibtidai istintaq başa çatıb.
E-huquq.az-ın məlumatına görə, iş üzrə toplanmış materiallar baxılması üçün Bakı Ağır Cinayətlər Məhkəməsinə göndərilib.
İş hakim Anar Sadıqovun icraatına verilib. Məhkəmənin hazırlıq iclası yanvarın 15-də keçiriləcək.
Qeyd edək ki, 2000-ci il təvəllüdlü Əliəkbər Səmədli Qaradağ rayonu Ələt qəsəbəsi ərazisində 1992-ci il təvəllüdlü Rüfət Rüstəmovu aralarında yaranmış mübahisə zamanı bıçaqla xəsarətlər yetirərək öldürməkdə təqsirləndirilir. Ona qarşı Cinayət Məcəlləsinin 120.1-ci (qəsdən adam öldürmə) maddəsi ilə ittiham irəli sürülüb.
Şəbnəm Mehdizadə
