ABŞ-nin Kaliforniya ştatının Los-Anceles şəhərində fövqəladə vəziyyət elan edib.
Söz.az xəbər verir ki, bu barədə yanvarın 7-də CNN məlumat yayıb.
Şəhər hakimiyyət orqanları bu qərarı şiddətli meşə yanğınları ilə əlaqədar veriblər.
Şəhər Şurasının prezidenti Markiz Harris-Douson qeyd edib ki, Los-Anceles bütün resurslardan istifadə edəcək.
Yanğın baş verən bölgədə küləyin güclənməsi səbəbindən son dərəcə təhlükəli vəziyyət yaranıb.
Xüsusilə, yanğın Los-Ancelesin nüfuzlu Pasifik Paliseyds bölgəsini bürüyüb.
Güclü külək, eləcə də relyef səbəbindən yanğın çox sürətlə yayılır. Son məlumatlara görə, yanğın artıq 1173 hektardan çox ərazini əhatə edib.
Son məlumatlara görə, yanğın magistral yola çatıb.
Kaliforniyada küləyin sürəti 48 km/saatı ötüb. Küləyin sürəti dağlarda 112 km/saata, yaşayış olan ərazilərdə isə 105 km/saata çatıb.
Los-Ancelesin şimalında evakuasiya elan edilib.
