Amerika Birləşmiş Ştatlar Sudanın Çevik Dəstək Qüvvələrini və müttəfiq silahlı qruplaşmaları soyqırımda ittiham edib və onların lideri Məhəmməd Həmdan Daqaloya qarşı sanksiyalar tətbiq edib. ABŞ dövlət katibi Entoni Blinken kütləvi cinsi zorakılığı və qaçan mülki şəxslərə hücumları pisləyib.
Sudan ordusu ilə Çevik Dəstək Qüvvələri arasında 2023-cü ildən bəri davam edən vətəndaş müharibəsi Sudanı viran edib, milyonlarla insanı didərgin salıb və əhalinin yarısını aclıqla üz-üzə qoyub.
