"Zəfər" Şəhid Ailələrinə Dəstək İctimai Birliyinin təşkilatçılığı ilə Mərdəkan qəsəbəsində yerləşən "Vətən" restoranında azyaşlı şəhid övladları üçün Yeni il şənliyi keçirilib.
QHT.az xəbər verir ki, animatorlar, Şaxta Baba, Qar qız və digər maraqlı personajların iştirakı ilə keçən şənlik azyaşlı şəhid övladları tərəfindən maraqla qarşılanıb. Yeni il şənliyi uşaqlara xoş əhvali-ruhiyyə və bayram ovqatı bəxş edib, onlara əyləncəli anlar yaşadıb.
Tədbirin sonunda uşaqlara hədiyyələr paylanıb. Tədbirin təşkilində göstərdikləri dəstəyə görə “Vətən” restoranının rəhbərliyinə öz təşəkkürümüzü bildiririk.
