“Samsung” şirkəti süni intellektə malik smartfonları üçün ödənişli abunə tətbiq edəcək...
Poliqon xəbər verir ki, bu barədə “The Verge” qəzeti “Samsung Electronics”in sədr müavini Han Çunq-Hiyə istinadən məlumat yayıb.
Cənubi Koreya şirkətinin nümayəndəsi təsdiqləyib ki, dekabr ayında şirkətin Cənubi Koreyadakı bəzi məişət texnikası üçün istifadəyə verilmiş AI Subscription Club proqramı Galaxy smartfonlarında və Ballie AI robotunda gələn aydan əlçatan olacaq.
Bununla belə, smartfonlarda və digər şirkət cihazlarında Galaxy AI xüsusiyyətlərinə daxil olmaq üçün AI Abunə Klubu tələb olunmur. Samsung əvvəllər süni intellekt xüsusiyyətlərinin 2025-ci ilin sonuna qədər istifadəçilər üçün pulsuz qalacağını bildirmişdi.
AI Subscription Club hazırda Cənubi Koreyada istifadəçilərə süni intellektlə işləyən televizorlar, soyuducular, paltaryuyan maşınlar və digər cihazlara aylıq abunə təklif edir. AI Subscription Club proqramının ölkədən kənara çıxarılacağı hələ məlum deyil. Çox güman ki, onlar bu barədə yanvarın 22-də Galaxy S25 smartfonlarının elan ediləcəyi Galaxy Unpacked təqdimatında daha ətraflı danışacaqlar.
Poliqon.info
