"Barselona" gənc hücumçu Ansu Fati üçün fəal şəkildə yeni komanda tapmağa çalışır.
90deqiqe.Az "El Correo de Andalucia"ya istinadən xəbər verir ki, Kataloniya klubu 22 yaşlı futbolçunu bu qış transfer dövründə göndərmək istəyir. “Mavi qranatlar”ın baş məşqçisi Hans-Diter Flik forvardı gələcək planlarında düşünmür.
"Barselona" bu səbəbdən ispan oyunçunu "Betis"ə mövsümün sonuna qədər icarəyə verməyi təklif edib.
Qeyd edək ki, Fatinin kataloniyalılarla hazırkı müqaviləsi 2027-ci ilin iyununa qədərdir. Mütəxəssislər futbolçunun transfer dəyərini 15 milyon avro qiymətləndirirlər.
Xatırladaq ki, bu mövsüm Ansu Fati "Barselona"nın heyətində İspaniya çempionatında 4 oyun keçirib. Ötən mövsüm Fati "Brayton"da icarə əsasında Premyer Liqada çıxış edib.
