"Mançester Yunayted"in hücumçusu Markus Reşford karyerasını İtaliyanın elit divizionunda yer alan klublardan birində davam etdirə bilər.
90deqiqe.Az xəbər verir ki, bu barədə jurnalist Canluka di Marzio "X" sosial şəbəkəsində (keçmiş Twitter) yazıb.
O Komo klubunun 27 yaşlı futbolçunun xidmətində maraqlı olduğunu və İtaliya təmsilçisinin yaxın vaxtlarda “qırmızı şeytanlar”ı tərk etmək istəyən ingilis forvardın maliyyə tələblərini ödəməyə hazır olduğunu qeyd edib.
Qeyd edək ki, bundan əvvəl də mətbuatda Rəşfordun “Milan”a və ya Səudiyyə Ərəbistanı çempionatının klublarından birinə düşə biləcəyi ilə bağlı xəbərlər yayılmışdı. Xatırladaq ki, bu mövsüm Markus Reşford İngiltərə çempionatında "Mançester Yunayted"in heyətində 15 oyun keçirib və bu oyunda 4 qol vurub və bir məhsuldar ötürmə edib.
