ABŞ-ın Kaliforniya ştatında baş verən meşə yanğınları Los-Ancelesdə böyük dağıntılara səbəb olub. İndiyədək 5 nəfərin öldüyü yanğınlarda rəsmilər ölənlərin sayının arta biləcəyi barədə xəbərdarlıq edib.
Editor.az xarici mediaya istinadla xəbər verir ki, 180 min adamın təxliyyə edilməsi əmri verilib və Pasifik Palisades bölgəsində böyük dağıntı yaşanıb.
Los-Anceles dairəsinin şerifi Robert Luna yanğınlarla bağlı son vəziyyəti paylaşaraq ölənlərin sayının 5 olduğunu, lakin bu rəqəmin artacağından narahat olduqlarını bildirib: “Ümid edirəm ki, səhv edirəm. Amma bəzi ərazilərə sanki bomba atılıb”.
//Gülnarə Abasova, Editor.az
