Bakı, 10 yanvar, AZƏRTAC
ABŞ-ın Milli Basketbol Assosiasiyasında (NBA) növbəti oyunlar keçirilib.
AZƏRTAC xəbər verir ki, müntəzəm mövsümdə daha yeddi qarşılaşma baş tutub.
Şərq Konfransının lideri "Klivlend Kavalyers" doğma meydanda "Toronto Raptors"u 132:126 hesabı ilə məğlub edərək qələbə seriyasını 12-yə çatdırıb. Qalib komandanın heyətində Darius Qarland 40 xalla öz mövsüm rekordunu qırıb, Ceret Allen 18 xal və 15 ribaundla yadda qalıb. Qonaqlarda isə Skotti Barnes 24, Kris Bauçer 23 xal toplayıb.
Matçların nəticələri:
"Klivlend Kavalyers" - “Toronto Raptors” – 132:126
“Detroit Pistons” - "Qolden Steyt Uorriors" – 104:107
“Orlando Meqiç” - "Minnesota Timbervolves" – 89:104
“Dallas Maveriks”- “Portland Treil Blazers” – 117:111
“Memfis Qrizliz” - “Hyuston Rokets” – 115:119
"Foniks Sans” - “Atlanta Huks” – 123:115
"Uta Cazz" - "Mayami Hit" – 92:97
