Qadınlar arasında basketbol üzrə Avropa çempionatının FIBA Women's EuroBasket seçmə qrup oyunları çərçivəsində millimizin keçirəcəyi son iki görüşün məkanı və oyun saatları müəyyənləşib.
İdman.biz xəbər verir ki, bu barədə Azərbaycan Basketbol Federasiyasının mətbuat xidməti məlumat yayıb.
Yığmamız fevralın 6-da Bakı vaxtı ilə saat 23:15-də Ostende şəhərində "COREtec Dome" arenada qrupun lideri Belçika yığmasının qonağı olacaq.
Bu oyundan üç gün sonra, saat 17:00-da qadın millimiz "Sərhədçi" İdman Mərkəzində Polşa yığmasını qəbul edəcək.
Qeyd edək ki, çempionatın final mərhələsi 2025-ci ilin iyununda baş tutacaq.
İdman.biz
