Göyçayda piyadanın ölümü ilə nəticələnən yol qəzası baş verib.
“Qafqazinfo”nun məlumatına görə, hadisə şəhər mərkəzində qeydə alınıb.
Belə ki, “BMW” markalı avtomobilin sürücüsü Rəşad Fərzəliyev avtomobili geri hərəkət etdirərkən piyada - 70 yaşlı Almaz Məmmədovanı vurub.
Piyada aldığı xəsarətlərdən ölüb.
DİN-in Mətbuat Xidmətinin Şəki regional qrupundan bildirilib ki, ölümlə nəticələnən yol-nəqliyyat hadisəsi ilə bağlı cinayət işi başlanılıb, araşdırmalar davam etdirilir.
