Xorvatiyada keçirilən prezident seçkilərində Sosial Demokrat Partiyasının dəstəklədiyi hazırkı prezident Zoran Milanoviç qələbəsini elan edib.Dövlət Seçki Komissiyası yerli vaxtla saat 19:00-da səsvermənin başa çatdığı Xorvatiyada seçki qutularının 99 faizindən çoxunun hesablandığını açıqlayıb.Açıqlamada bildirilib ki, qeyri-rəsmi nəticələrə görə, hazırkı prezident Zoran Milanoviç ikinci turda səslərin 74,66 faizini toplayaraq ikinci dəfə prezident seçilib.Milanoviç tərəfdarları qarşısındakı qələbə çıxışında vətəndaşların seçki qutusunda nə düşündüklərini açıq şəkildə ifadə etdiyini bildirib.Qələbəsini elan edən Milanoviç onun üçün böyük bir gün olduğunu və bu qələbəni son beş ildəki fəaliyyətinin təsdiqi və insanların ona olan etimadının ifadəsi kimi gördüyünü vurğulayıb.
