Federal Miqrasiya və Qaçqınlar İdarəsinin yeni məlumatlarına görə, Almaniya 2024-cü ildə öz ərazisində qeydiyyatda olan miqrantların geri qaytarılması üçün İtaliyaya 12 841 sorğu göndərib...
Poliqon xəbər verir ki, İtaliya bu müraciətlərin 10,402-ni rəsmi olaraq qəbul etsə də, cəmi 0,0288%-ni təşkil edən yalnız üç nəfər geri götürülüb.
Bu problem təkcə İtaliya ilə məhdudlaşmır: Miqrantların Almaniyaya daxil olduğu digər Avropa İttifaqı ölkələrində də oxşar vəziyyət yaranıb. Məsələn, Yunanıstan cəmi 22 nəfəri, Bolqarıstan 290 nəfəri, Xorvatiya isə 533 nəfəri qəbul edib.
"Bu rəqəmlər Avropada sığınacaq sisteminin işləmədiyinin daha bir sübutudur", deyə Almaniya Xristian Demokrat İttifaqının (CDU) baş katibi Karsten Linnemann bildirib.
Aİ-yə miqrantlar üçün marşrutun əsas ölkələrindən biri olan İtaliya, miqrasiya xidmətlərində həddindən artıq gərginlik olduğunu əsas gətirərək, 2022-ci ilin dekabr ayından etibarən onları geri qəbul etməyi rəsmən dayandırıb. Almaniya da öz növbəsində bunun müvəqqəti qadağa olduğuna ümid etdiyini bildirib, lakin o vaxtdan əlavə yüklər götürmək məcburiyyətində qalıb.
Dublin müqaviləsinə görə, miqrantın ilk daxil olduğu ölkə ona görə məsuliyyət daşımalıdır. Bu qaydaya Aİ-nin bir çox digər ölkələrindən daha ciddi riayət edən Almaniya 2024-cü ildə miqrantların yalnız 13%-ni geri qaytara bilib. Eyni zamanda, Almaniyanın məsuliyyət daşıdığı miqrantların 45%-i digər Aİ ölkələrindəndir.
Poliqon.info
