Quba-Xaçmaz yolunda ağır yol-nəqliyyat hadisəsi baş verib.
Xezerxeber.az-ın məlumatına görə, gecə saatlarında idarəetmədən çıxan avtomobil Qubada yolun kənarında ağaca çırpılıb, nəticədə sürücü həyatını itirib.
Hadisə şahidləri bildiriblər ki, sürücü Taleh Rüstəmov avtomobildə tək olub.
34 yaşlı sürücünün meyiti ekspertiza olunduqdan sonra ailəsinə təhvil verilib. Qeyd edək ki, qəzada dünyasını dəyişən Taleh Rüstəmov ailənin tək oğlu olub. Faktla bağlı araşdırma aparılır.
Bərdədə də yol qəzası olub. Rayonun Mollaisalar kəndində minik avtomobilinin yol kənarındakı qaz borusuna çırpılması nəticəsində yanğınla nəticələnən yol-nəqliyyat qəzası baş verib. Yanğın nəticəsində avtomobilin yanar hissələri və qaz borusundan sızan qaz yanıb. Yanğın zamanı 3 nəfər yanıq xəsarəti alıb. Yol kənarındakı kommunikasiya xətləri yanğından mühafizə olunub. Nəticədə rayonun Mollaisalar, Kolayır, Mollaməmmədli, Gülgəzli, Sərkarlar kəndlərinə qazın verilişində fasilə yaranıb.
Xezerxeber.az mövzu ilə bağlı daha ətraflı videomaterialı təqdim edir.
