ABŞ-ın Missuri ştatında yaşayan 27 yaşlı Emili Ceymsin belinin daha incə olması üçün altı qabırğası çıxarılıb.
News24.az xəbər verir ki, Ceyms bu qeyri-adi plastik əməliyyat üçün 17 min dollar xərclədiyini bildirib. Gənc qadın əməliyyatdan sonrakı sağalma dövründə şişkinliyi azaltmaq üçün daim korset taxmalı olduğunu izah edib.
Qabırğaları çıxarıldıqdan sonra Ceyms əvvəlcə bu sümükləri ən yaxın dostuna verməyi düşünsə də, sonradan "Məncə qabırğaları saxlamaq daha məntiqlidir" deyib.
Sosial mediada tənqidlərə cavab verən Ceyms “Bu mənim pulum, bədənimdir, ona görə də onunla nə edəcəyimə mən qərar verirəm” deyərək, reaksiyalara əhəmiyyət vermədiyini dilə gətirib.
Günel Məlikzadə
