Yeni araşdırmaya əsasən artıq pis və travmatik xatirələri silmək mümkündür.
Publika.az xəbər verir ki, bununla bağlı beynəlxalq tədqiqatçılar qrupu 37 iştirakçı ilə müşahidə aparıblar.
Tədqiqat zamanı insan xəsarətləri, təhlükəli heyvanlar, dinc mənzərələr və ya gülən uşaqlar kimi qarışıq şəkillərdən istifadə edilib.
Tətqiqat zamanı beyində emosional yaddaşın işlənməsi ilə əlaqəli olan teta dalğası aktivliyinin artdığı və müsbət siqnallar üçün əhəmiyyətli dərəcədə yüksək olduğu müşahidə edilib.
Bir neçə gün sonra aparılan sorğular iştirakçıların müsbət xatirələrlə qarışmış pis xatirələri daha az xatırladığını göstərib.
