Xırdalan şəhərində yerləşən yaşayış binalarından birinin həyətinin zibillə dolu olduğu görüntülər sosial şəbəkələrdə geniş müzakirələrə səbəb olub.
Ajans.az xəbər verir ki, paylaşılan videolarda binanın həyətinin təmizlikdən uzaq vəziyyətdə olduğu, ərazidə müxtəlif tullantıların yığıldığı və bunun narahatlıq doğurduğu əks olunub.
Bina sakinləri vəziyyətdən narazılıq edərək aidiyyəti qurumların məsuliyyətsizliyindən şikayət ediblər. Onlar həyətin uzun müddətdir təmizlənmədiyini, zibillərin yığışdırılmadığını və bunun sağlamlıq üçün ciddi təhlükə yaratdığını bildiriblər.
Sosial şəbəkələrdə istifadəçilər məsələ ilə bağlı yerli icra orqanlarını və kommunal xidmətləri hərəkətə keçməyə çağırıb. Məsələyə rəsmi reaksiyanın verilməsi və ərazidə təmizlik işlərinin həyata keçirilməsi üçün yaxın günlərdə addımlar atılması gözlənilir.
