“Rusiya dövlət başçısı Vladimir Putin və ABŞ-nin yeni seçilmiş prezidenti Donald Tramp danışıqlar zamanı Şimal axınının taleyini müzakirə edə bilərlər”.
Missiya.Az “RİA Novosti”yə istinadən xəbər verir ki, bunu rusiyalı politoloq Aleksandr Dudçak deyib.
O qeyd edib ki, Amerika tərəfinin əsas ideyası Ukraynadakı münaqişəni dondurmaqdır və bu, Rusiya üçün qəbuledilməzdir.
Onun sözlərinə görə, Moskva iki səbəbdən buna razı olmayacaq:
“Birincisi, Minsk razılaşmalarının təcrübəsi Kiyevin pauzadan necə istifadə etdiyini göstərdi. İkincisi, indi rus qoşunları durmadan irəliləyir”, - deyə Dudçak vurğulayıb.
Politoloq hesab edir ki, liderlər arasında danışıqlar üçün ən uyğun yer Minsk və Astanadır.
Xatırladaq ki, yanvarın 10-da Tramp Putinlə görüşəcəyini açıqlayıb.
Daşqın HəsənovMissiya.Az
