Olaylar.az xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova Sputnik radiosunda çıxışı zamanı bildirib.
"Bayden dördillik prezidentlik dövründə başlıca nailiyyəti kimi nəyi göstərdi? O, ABŞ-nin digər ölkələrə necə zərər vurduğunu danışdı," - deyə Zaxarova qeyd edib.
Diplomat Baydenin çıxışını 2024-cü ilin yekunlarına dair Rusiya diplomatiyasının mətbuat konfransı ilə müqayisə edərək, xarici siyasətdə yanaşma fərqlərinin açıq şəkildə göründüyünü vurğulayıb.
"Rusiya hər zaman necə yaxşılıq etməyin, problemləri birlikdə necə həll etməyin yollarını təklif edir," - deyə Zaxarova əlavə edib.
Qeyd edək ki, Bayden administrasiyası yaxın günlərdə Ağ Evdən hansı sənədlərin çıxarılması ilə bağlı yeni və ədalətli ekspertiza keçirmək niyyətində olduğunu bəyan edib. Associated Press xəbər agentliyinin məlumatına görə, Bayden əvvəlki vəzifəsindən ayrılarkən minlərlə məxfi sənədi özündə saxlamışdı və həmin sənədlər ABŞ-nin Milli Arxivlər və Sənədlər İdarəsinə təhvil verilməli idi.
