Polşada bir şəhər İlon Maska maraqlı təklif verib. Şəhər rəhbərliyi Maska çatdırıb ki, ərazisində yerləşən 13-cü əsrə aid nəhəng qəsri almaqla onu Avropadakı qərargahına çevirə bilər.
Herbiand.az bildirir ki, bu barədə Associated Press xəbər verib.
Qłoquvek şəhərinin meri Petr Buyak bildirib ki, bu yaxınlarda X sosial şəbəkəsində dəvət yerləşdirib və onun şirkətlərinə qəsri almağa çağıran məktublar göndərib.
Amerika mediası yazır ki, qiymət hələ açıqlanmayıb və Mask bu təklifə hələ cavab verməyib.
Buyak Associated Press-ə söyləyib ki, Avropa mediasında amerikalı milyarderin qitədəki fəaliyyəti üçün mərkəz kimi uyğun bir yer axtardığına dair xəbərlər görüb. Hətta bunun üçün ola bilsin ki, İtaliyada bir qala axtarır.
Polşanın cənub-qərbindəki Qłoquvek qəsri orta əsrlərə qədər uzanan zəngin bir tarixə malikdir. Bura 17-ci əsrdə qısa müddətliyinə Polşanın paytaxtı olub. Qəsrdə həm də bəstəkar Lüdviq van Bethoven yaşayıb. O burada musiqi yazıb.
Bəxtiyar CƏFƏRLİ
