Yanvarın 20-də ABŞ prezidenti Donald Trampın andiçmə mərasimi öncəsi Vaşinqtonun təhlükəsizlik xidmətləri yüksək hazırlıq vəziyyətinə gətirilib. Respublikaçılar partiyasının rəsmi açılış mərasimi günü təhlükəsizlik məqsədilə şəhərin bir hissəsi bağlanacaq.
Kəşfiyyat xidmətləri Trampa hücumun mümkünlüyünü istisna etmir, lakin konkret təhdidlər görmürlər.
ABŞ Məxfi Xidmətinin xüsusi agenti Mett Makkool yanvarın 13-də keçirdiyi mətbuat konfransında “Biz artan təhlükə mühitindəyik” deyib. ABŞ Kapitolinin polis rəisi Tomas Munger keçirdiyi brifinqdə bildirib ki, tək silahlı şəxsin təhlükəsi səbəbindən hüquq-mühafizə orqanları yüksək hazırlıq vəziyyətindədir.
Açılış mərasimi öncəsi Vaşinqtonun mərkəzinin Ağ Evdən Kapitoliyə qədər təxminən 3 km uzunluğunda olan hissəsi nəqliyyat üçün bağlanacaq. Girişlər beton maneələr, zibil maşınları və “digər ağır əşyalarla” qapadılacaq. Hündürlüyü 2 metr olan böyük hasar şəhərdə indiyə qədər tikilmiş ən uzun hasar olacaq. Asayişin qorunmasına Milli Qvardiyanın 7800 əsgəri və 4000 polis əməkdaşı cəlb olunacaq.
//Samir Qurbanov, Editor.az
