Bakı/04.02.23/Turan: Yanvar ayında polis əməliyyatı zamanı Bakının Sabunçu rayonunda 49 narkokuryer saxlanılıb. Bu barədə Daxili İşlər Nazirliyinin məlumatında deyilir.
Saxlanmalar Kürdəxanı, Bakıxanov, Maştağa, Zabrat və Ramana qəsəbələrində yerli polis strukturlarının əməkdaşları tərəfindən aparılıb.
Saxlanılan şəxslərin üzərindən və onların evlərində aparılan axtarışlar zamanı 5 kiloqram narkotik maddə, o cümlədən heroin, marixuana və psixotrop maddələr aşkar edilərək götürülüb.
Onların barəsində cinayət işlərinə başlanılıb. 05D06
