Braziliyanın "Vasko da Qama" klubu Rusiya təmsilçisi "Zenit"in mərkəz müdafiəçisi Rodriqaonu sıralarına cəlb etmək niyyətindədir.
Fanat.Az xəbər verir ki, informasiyanı "Rtiesporte" yayıb.
Xəbərə görə, cənubi amerikalılar 29 yaşlı oyunçunu bu qış heyətə qatmaqda qərarlıdırlar. Mənbə "Vasko da Qama"nın qarşı tərəfə pul ödəmək istəmədiyini, "Zenit"lə müqaviləsinin müddəti bu ilin yayında başa çatacaq Rodriqaonun yaxın günlərdə Sankt-Peterburq təmsilçisindən azad agent qismində ayrıla biləcəyinə ümid etdiyini vurğulayıb. Təcrübəli braziliyalı ilə Səudiyyə Ərəbistanının "Əl-Ohdud" klubunun da maraqlandığı diqqətə çatdırılıb.
Rodriqao 2022-ci ilin yayından "Zenit"in uğurları üçün çalışır. Cari mövsüm bütün turnirlərdə 7 matça çıxan "sambaçı" 1 qol vurub. "Transfermarkt" portalı onun transfer qiymətini 3,5 milyon avro ilə dəyərləndirir.
Nihat
