ABŞ Prezidenti Co Bayden vida məktubu yazıb.
Bu barədə “Nyu York Post” nəşri məlumat yayıb.
Vida məktubunda Bayden Birləşmiş Ştatlara 50 ildən çox xidmət etməsi ilə qürur duyduğunu dilə gətirib və bunu “həyatının ən böyük şərəfi” adlandırıb.
“Bu gün bizim ölkənin iqtisadiyyatı dünyanın ən böyük iqtisadiyyatıdır və mən rekord sayda – 16.6 milyon yeni iş yeri yaratmışam. Əmək haqları qalxıb. İnflyasiya səviyyəsi isə aşağı düşməkdə davam edir”, - deyə o, Oval kabinetindən Amerika xalqına edəcəyi canlı çıxış öncəsi paylaşdığı məktubunda vurğulayıb.
Uğurlarını sadalayan Bayden dörd il əvvəl hakimiyyətə gələndə ölkənin əsrin ən böyük pandemiyası ilə üzə-üzə qaldığını, Böyük Depressiya illərindən bəri ən ağır iqtisadi böhran yaşadığını və ABŞ demokartiyasına Vətəndaş müharibəsindən bəri ən böyük hücumların olduğunu bəyan edib.
