İspaniya Kral Kubokunda 1/8 final matçları keçirilib.
hakimiyyet.az xəbər verir ki, Madrid "Atletiko"su səfərdə "Elçe"nin qonağı olub.
Paytaxt klubu oyun ərzində ev sahiblərini 4 dəfə meydanın mərkəzinə dəvət edib - 0:4. Sörlot dublla yadda qalıb.
Bu qələbə sayəsində Dieqo Simionenin yetirmələri adlarını 1/4 finalın iştirakçıları sırasına yazdırmağı bacarıblar.
Qeyd edək ki, günün digər matçında "Barselona" "Real Betis"i 5:1 hesabı ilə darmadağın edərək mərhələ adlayıb.
Xatırladaq ki, İspaniya Kubokunun hazırkı qalibi ötən mövsüm finalda "Malyorka"nı məğlub edən (1:1; 4:2 pen.) Bilbao "Atletik"idir.
