"Mançester Yunayted"in argentinalı futbolçusu Alexandro Qarnaço İtaliyanın "Napoli" klubuna keçməyə razılaşıb.
hakimiyyet.az xəbər verir ki, bu barədə tanınmış insayder Nikolo Skira özünün "X" sosial şəbəkə hesabı üzərindən paylaşım edib.
Mənbənin məlumatına görə, klublar futbolçunun transferi ilə bağlı danışıqlarda prinsipial razılığa gəliblər. Neapol təmsilçisinin idman direktoru Covanni Manna PSJ-yə keçməyə yaxın olan Xviça Kvaratsxeliyanın yerinə argentinalı cinah oyunçusu ilə müqavilə imzalamaqda israrlıdır.
Həmçinin bildirilib ki, mankunianlar da Premyer Liqanın maliyyə qaydalarına görə, Qarnaçonun transferinə müsbət yanaşırlar.
Qarnaço bu mövsüm "qırmızı şeytanlar"ın heyətində 30 oyun keçirib, bu görüşlərdə 8 qol vurub və 5 məhsuldar ötürmə verib. Lakin yeni baş məşqçi Ruben Amorimin gəlişindən sonra argentinalı start heyətində yerini itirib.
