Bolqarıstanın paytaxtı Sofiya yaxınlığında iki yük qatarının toqquşması nəticəsində 2 nəfər ölüb, 6 nəfər yaralanıb.
Söz.az xəbər verir ki, bu barədə BNT məlumat yayıb.
İki yaralı artıq Hərbi Tibb Akademiyasına yerləşdirilib.
Qeyd olunub ki, qatarın toqquşduğu yerdə dörd təcili yardım maşını, beş yanğınsöndürmə briqadası və hüquq-mühafizə orqanlarının əməkdaşları işləyir.
Bundan əlavə, hadisəni araşdırmaq üçün qrup göndərilib.
Hazırda Bolqarıstanın paytaxtı ərazisində qatarların hərəkəti dayandırılıb.
Hadisə yerində yanğın başlayıb. Hadisənin səbəbi məlum deyil.
