İstanbulda cinayət təşkilatı ilə bağlı aparılan istintaq çərçivəsində saxlanılan Beşiktaş bələdiyyə sədri Rza Akpolat da daxil olmaqla 40 şübhəli məhkəmə qarşısına çıxarılıb.
Bakıvaxtı.az bu barədə “Haberglobal”a istinadla xəbər verir.
Məlumata görə, Əziz İhsan Aktaşın rəhbərlik etdiyi cinayət təşkilatının bələdiyyə başçılarına və yüksək vəzifəli bələdiyyə məmurlarına rüşvət verərək tenderlər təşkil etdiyi iddia edilən cinayət təşkilatının İstanbul Respublika Baş Prokurorluğu tərəfindən başlatdığı istintaq çərçivəsində saxlanılan 40 şübhəli barəsində polisin əməliyyatları tamamlanıb.
Bu arada, istintaq çərçivəsində həbs qətimkan tədbiri seçilən və daha əvvəl “silahlı terror təşkilatına üzv olmaq” ittihamı ilə həbs olunan və fəaliyyəti dayandırılan Esenyurt Bələdiyyə Başçısı Əhməd Özerin də həbsxanada istintaqa cəlb olunduğu ortaya çıxıb.
İstanbul Baş Prokurorluğunun açıqlamasında, Əziz İhsan Aktaşın rəhbərlik etdiyi iddia edilən cinayət təşkilatının bələdiyyə başçılarına və yüksək vəzifəli bələdiyyə məmurlarına rüşvət verərək tenderlər təşkil etdiyini bildirilib.
Açıqlamada cinayət təşkilatının şirkətlərinin tenderləri qazanmasını təmin etdiyi və şübhəlilərin təxminən 3 aydır nəzarətdə saxlandığı aşkar edildikdən sonra istintaqa başlanıldığı qeyd olunub.
Murad Məmmədli
