Türkiyənin İstanbul şəhərində zəvvarları daşıyan avtobus qəzaya uğrayıb.
E-huquq.az Türkiyə mətbuatına istinadən xəbər verir ki, İstanbul Hava Limanından çıxan avtobusun sürücüsü Arnavutköy adlı ərazidə infarkt keçirib.
İdarəetməni itirən avtobus əvvəlcə minik avtomobilinə, daha sonra baryerlərə çırpılıb.
Əraziyə polis və tibb qrupları göndərilib.
Sərnişinlər xəsarət almasa da, sürücünün həyatını xilas etmək mümkün olmayıb.
Sərnişinlər hadisə yerinə gələn başqa avtobusla aparılıb.
Qəzaya uğrayan avtomobillərin yoldan çıxarılması istiqamətində tədbirlər davam etdirilir.
Şəbnəm Mehdizadə
