Ümumdünya Səhiyyə Təşkilatının (ÜST) baş direktoru Tedros Adhanom Qebreyesus Qəzzaya dəstəyi artırmağa hazır olduqlarını bildirib.
Rəsmi "X" internet səhifəsində paylaşım edən Tedros Adhanom Qebreyesus ''Həmas'' və İsrail arasında əldə olunan razılaşmanı qiymətləndirib.
Qebreyesus qeyd edib ki, Qəzzada atəşkəsin təmin edilməsi və əsirlərin azad edilməsi ilə bağlı razılaşma müsbət və ümidvericidir.
"Həddindən artıq çox insan həyatını itirdi və çox sayda ailə əziyyət çəkdi. Ümid edirik ki, bütün tərəflər razılaşmaya riayət edəcək və davamlı sülh üçün çalışacaqlar," – deyə Tedros Adhanom Qebreyesus vurğulayıb.
Qəzzadakı sağlamlıq ehtiyaclarına diqqət çəkən Qebreyesus deyib: "ÜST tərəfdaşları ilə birlikdə dəstəyini artırmağa hazırdır''.
