ABŞ-nin xüsusi xidmət orqanları, xüsusən də Məxfi Xidmət prezident Donald Trampın andiçmə mərasimi üçün özəl mühafizə şirkətini proseslərə cəlb edib. Bu barədə TMZ portalı məlumat yayıb.
“Donald Trampın andiçmə mərasimini özəl mühafizə şirkəti təşkil edəcək. Məxfi Xidmət andiçmə mərasiminə kömək etmək üçün Arcus Group MMC-ni işə cəlb edib”, - deyə məlumatda bildirilir.
Nəşrin məlumatına görə, özəl şirkət 8,1 milyon dollarlıq müqavilə imzalayıb.
Qeyd edək ki, 2024-cü ildə Trampa qarşı iki sui-qəsd cəhdi olub. İlk insident iyulun 13-də siyasətçinin seçicilər qarşısında çıxışı zamanı baş verib, ona bir neçə dəfə atəş açılıb. Güllələrdən biri onun qulağına dəyib. İkinci hadisə sentyabrın 15-də Floridadakı qolf klubunda baş verib və Tramp xəsarət almamışdı.
Tural
