Azərbaycan Ordusunun Baş Qərargah rəisi general-polkovnik Kərim Vəliyev Azərbaycanın NATO nümayəndəliyində olub.
Musavat.com xəbər verir ki, bu barədə nümayəndəlik “X” hesabında məlumat yayıb.
Bildirilib ki, Kərim Vəliyev NATO Hərbi Komitəsinin Baş Qərargah Rəisləri Sessiyasında iştirak etmək üçün Belçikanın paytaxtı Brüsseldə səfərdədir.
“Sözügedən səfər çərçivəsində general-polkovnik Kərim Vəliyev Azərbaycanın NATO-dakı missiyasında da olub”, - məlumatda qeyd olunub.
