ABŞ Prezidenti Co Baydenin Qəzzada atəşkəs ilə bağlı çıxışını tamamlayıb tribunadan ayrıldığı zaman jurnalistin ona verdiyi sual üçün geri dönərək verdiyi reaksiya gündəm olub.
“Cebheinfo.az” xəbər verir ki, jurnalist Baydendən soruşub ki, “Qəzzada atəşkəs sizin, yoxsa Trampın sayəsində əldə olunub?” Bu zaman Bayden tribunaya geri dönərək “Bu zarafatdır?”, - deyə jurnalistin sualına belə sərt reaksiya verib.
Belə ki, mətbuat qarşısına çıxan Bayden açıqlamasında Qəzzada atəşkəs və girov mübadiləsində ABŞ-nin oynadığı rolu vurğulayıb:
“İsrailin atəşkəs ilə bağlı qərarı bizim təşəbbüslərimiz sayəsində oldu. Bu proses zamanı qadınlar, uşaqlar və gənclər azadlığa buraxılacaq. Qəzzalı qaçqınlar evlərinə qayıdacaq və humanitar yardım Qəzzaya çatacaq. Bu atəşkəs müharibəni bitirmək üçün ilk addım kimi qəbul edilməlidir”.
