Özəl şirkət Trampı aniçmədə 8,1 milyon dollara qoruyacaq

FTB xüsusi hesabatındaqeyd edib ki,artıq digər hüquq-mühafizə orqanlarının əməkdaşları da hərəkətə keçiblər. Onlar ekstremistlərin Trampın prezident vəzifəsinin icrasına mane ola biləcəyindən narahatlıq keçirdiklərini gizlətmirlər.

Klinton, Buş və Obama Trampın inauqurasiya naharında iştirak etməyəcək

Bu gün isə TMZ portalı inaqurasiya ilə bağlı başqa bir maraqlı məlumat yayıb. Qeyd edilib ki, ABŞ-nin xüsusi xidmət orqanları, xüsusən də Məxfi Xidmət prezident Donald Trampın andiçmə mərasimi üçün özəl mühafizə şirkətini proseslərə cəlb edib.

“Donald Trampın andiçmə mərasimini özəl mühafizə şirkəti təşkil edəcək. Məxfi Xidmət andiçmə mərasimində təhlükəsizlik tədbirlərinə kömək etmək üçün "Arcus Group" MMC-ni işə cəlb edib”, - məqalədə yazılıb.

Özəl şirkətlə artıq 8,1 milyon dollarlıq müqavilə imzalanıb.

Qeyd edək ki, 2024-cü ildə Trampa qarşı iki sui-qəsd cəhdi olub. İlk insident iyulun 13-də siyasətçinin seçicilər qarşısında çıxışı zamanı baş verib, ona bir neçə dəfə atəş açılıb. Güllələrdən biri onun qulağına dəyib. İkinci hadisə sentyabrın 15-də Floridadakı qolf klubunda baş verib və Tramp xəsarət almamışdı.

ABŞ prezidentlərinin andiçmə mərasimi ilə bağlı maraqlı faktlar

İlk inauqurasiya 1789-cu il aprelin 30-da o zaman ABŞ-nin paytaxtı olan Nyu-Yorkda baş tutub. Həmin vaxt Corc Vaşinqton and içib.

Andiçmədə ən qısa nitq Corc Vaşinqtona məxsusdur: 1793-cü ildə o, cəmi 135 sözdən istifadə etməklə kifayətlənib.

Ən uzun çıxışı isə 1841-ci ildə Uilyam Henri Harrison edib. O, təxminən iki saat danışıb.

1921-ci ildə Uorren Hardinq ilk dəfə inauqurasiya mərasiminə avtomobillə gedib və 1977-ci ildə Cimmi Karter də xalqa daha yaxın olmaq üçün yolun bir hissəsini piyada gəzib.

2009-cu ildə Barak Obamanın andiçmə mərasiminə təxminən 1,8 milyon insan gəlmişdi. Bu, ABŞ-də məlum mərasimlərin tarixində mütləq rekord sayılır.

Tural Tağıyev
AzVision.az