 |
| Klinton, Buş və Obama Trampın inauqurasiya naharında iştirak etməyəcək |
“Donald Trampın andiçmə mərasimini özəl mühafizə şirkəti təşkil edəcək. Məxfi Xidmət inauqurasiya mərasimində təhlükəsizlik tədbirlərinə kömək etmək üçün "Arcus Group" MMC-ni işə cəlb edib”, - məqalədə yazılıb.
Özəl şirkətlə artıq 8,1 milyon dollarlıq müqavilə imzalanıb.
Qeyd edək ki, 2024-cü ildə Trampa qarşı iki sui-qəsd cəhdi olub. İlk insidentiyulun 13-dəsiyasətçinin seçicilər qarşısında çıxışı zamanı baş verib. Həmin vaxt ona bir neçə dəfə atəş açılıb və güllələrdən biri Trampın qulağına dəymişdib. İkinci hadisəisə sentyabrın 15-də Floridadakı qolf klubunda baş verib. Sui-qəsd planı vaxtında aşkarlandığı üçün Tramp xəsarət almamışdı.
ABŞ prezidentlərinin andiçmə mərasimi ilə bağlı maraqlı faktlar
İlk inauqurasiya 1789-cu il aprelin 30-da o zaman ABŞ-nin paytaxtı olan Nyu-Yorkda baş tutub. Həmin vaxt Corc Vaşinqton and içib.
Andiçmədə ən qısa nitq Corc Vaşinqtona məxsusdur: 1793-cü ildə o, cəmi 135 sözdən istifadə etməklə kifayətlənib.
Ən uzun çıxışı isə 1841-ci ildə Uilyam Henri Harrison edib. Soyuq və yağışlı havada palto geyinmədən və çətir аltında dayanmadan iki saat davam edən ən uzun nitq söyləyib. Bundan sonra xəstələnən prezident sətəlcəmdən ölüb.
1921-ci ildə Uorren Hardinq ilk dəfə inauqurasiya mərasiminə avtomobillə gedib və 1977-ci ildə Cimmi Karter də xalqa daha yaxın olmaq üçün yolun bir hissəsini piyada gəzib.
2009-cu ildə Barak Obamanın andiçmə mərasiminə təxminən 1,8 milyon insan gəlmişdi. Bu, ABŞ-də məlum mərasimlərin tarixində mütləq rekord sayılır.
Tural Tağıyev
AzVision.az
