Ölkə rəhbərliyinin müvafiq tapşırıq və tövsiyələrinə uyğun olaraq Ağstafa Rayon İcra Hakimiyyətinin başçısı yerlərdə vətəndaşların səyyar qəbullarını davam etdirir.
"Unikal" xəbər verir ki, Seymur Orucovun Ağstafa şəhər 2 nömrəli və Aşağı Göycəli tam orta məktəb binalarında keçirdiyi növbəti səyyar qəbullarda rayonun hüquq-mühafizə orqanlarının və aidiyyəti strukturların rəhbər şəxsləri, eyni zamanda, yerli ictimaiyyətin nümayəndələri iştirak ediblər.
RİH başçısı çıxış edərək Prezident İlham Əliyevin Azərbaycanın tərəqqisi və xalqımızın firəvanlığı naminə yürütdüyü uğurlu daxili və xarici siyasətdən, ölkəmizin dinamik sosial-iqtisadi inkişafından, hərbi qüdrətindən, höküm sürən sülh və əminəmanlıqdan söz açaraq qeyd edib ki, bütün sahələrdə əldə olunan uğurlar Ümummilli Lider Heydər Əliyevin müdrik siyasətinin təntənəsidir.
Səyyar qəbullarda müxtəlif məzmunlu təklif və müraciətlərlə çıxış edən vətəndaşlar dinlənilib, onların qaldırdıqları hər bir məsələ qeydiyyata alınaraq nəzarətə götürülüb. Məsələlərin qanunamüvafiq qaydada həlli istiqamətində aidiyyəti üzrə məsul şəxslərə konkret tapşırıqlar verilib.
